<కీర్తనలు 67

[1] దేవుడు మమ్మల్ని దయ చూపి దీవిస్తాడు గాక! తన ముఖకాంతి మామీద ప్రకాశించేలా చేస్తాడు గాక! (సెలా)

[2] భూమిమీద నీ మార్గం వెల్లడి అవుతుంది గాక! సర్వ లోక ప్రజలు నీ విముక్తి తెలుసుకొంటారు గాక!

[3] దేవా! ప్రజలు నిన్ను స్తుతిస్తారు గాక! ప్రజలంతా నిన్ను స్తుతిస్తారు గాక!

[4] న్యాయంతో నీవు జనాలకు తీర్పు తీరుస్తావు. లోక జనాలను పరిపాలన చేస్తావు. జనాలు సంతోషించి ఆనంద ధ్వనులు చేస్తారు గాక! (సెలా)

[5] దేవా! ప్రజలు నిన్ను స్తుతిస్తారు గాక! ప్రజలంతా నిన్ను స్తుతిస్తారు గాక!

[6] అప్పుడు భూమి దాని ఫలం ఇస్తుంది, దేవుడు, మా దేవుడు మమ్మల్ని ఆశీర్వదిస్తాడు.

[7] దేవుడు మమ్మల్ని దీవిస్తాడు, భూమి కొనలన్నిటికి ఆయనపట్ల భయభక్తులు కలుగుతాయి.