<కీర్తనలు 13

[1] యెహోవా, ఎన్నాళ్ళు నన్ను నీవు మరచిపోతావు? ఎల్లకాలమా? ఎన్నాళ్ళు నాకు నీ ముఖం కనబడకుండా చేస్తావు?

[2] ఎంతకాలమని నా తలంపుల వల్ల ఈ బాధ? ఎంతవరకు నా హృదయంలో ప్రతి రోజూ ఈ శోకం ఉంటుంది? శత్రువులు ఎంతవరకు నా మీద రెచ్చిపోతారు?

[3] యెహోవా, నా దేవా! నావైపు చూడు! నేనడిగిన దానికి జవాబియ్యి! నా కన్నులకు వెలుగు ప్రసాదించు! లేకపోతే అది నాకు మృత్యు నిద్ర అవుతుందన్న మాటే!

[4] అప్పుడు నా శత్రువు తానే గెలిచినట్టు చెప్పుకుంటాడు. నేను పడిపోతే నా పతనానికి నా పగవాళ్ళు సంతోషంతో ఉప్పొంగిపోతారు.

[5] నేనైతే నీ అనుగ్రహం మీద నమ్మకం ఉంచాను. నీ రక్షణలో నా హృదయం ఆనందిస్తుంది.

[6] యెహోవా నాకు మేలు చేశాడు. గనుక నేను ఆయనకు సంకీర్తనం చేస్తాను.