<కీర్తనలు 1

[1] దుర్మార్గుల సలహాల ప్రకారం నడవకుండా, పాపాత్ముల జీవిత విధానంలో నిలవకుండా, పరిహాసకులుండే చోట కూర్చోకుండా,

[2] యెహోవా ఇచ్చిన ఉపదేశంలో ఆనందిస్తూ, దాన్ని రాత్రింబగళ్ళు ధ్యానం చేస్తూ ఉండేవారు ధన్యజీవులు.

[3] వారు పారుతూ ఉన్న కాలువలదగ్గర నాటి ఉన్న చెట్టువంటివారు, సరైన కాలానికి, కాపు కాస్తూ, ఆకులు వాడని చెట్టులాంటివారు. వారు చేసేదంతా సఫలమవుతుంది.

[4] కానీ, దుర్మార్గులు అలా కాదు. వాళ్ళు గాలికి కొట్టుకుపొయ్యే పొట్టులాంటివారు.

[5] గనుక వాళ్ళు దేవుని తీర్పుకు నిలవలేకపోతారు. పాపాత్ములు న్యాయవంతుల సభలో నిలవరు.

[6] న్యాయవంతుల జీవిత విధానం యెహోవాకు తెలుసు గానీ దుర్మార్గుల జీవిత విధానం పూర్తిగా నాశనం అవుతుంది.