<కీర్తనలు 11

[1] యెహోవాను నమ్మి ఆశ్రయించాను. మీరు నన్ను చూచి “పక్షిలాగా నీ కొండమీదికి పారిపో!

[2] అరుగో, దుర్మార్గులు విల్లెక్కు పెట్టారు! దొంగచాటుగా యథార్థవంతుల మీద బాణం వెయ్యాలని ధనుస్సును సంధించారు!

[3] పునాదులు నాశనమవుతూ ఉంటే న్యాయవంతులు చేయగలిగినదేమిటి?” అని ఎలా అంటారో అనండి.

[4] యెహోవా తన పవిత్రాలయంలో ఉన్నాడు. యెహోవా సింహాసనం పరలోకంలో ఉంది. మనుషులను ఆయన చూస్తూ ఉన్నాడు. ఆయన చూపులు వాళ్ళను పరీక్షిస్తున్నాయి.

[5] యెహోవా న్యాయవంతులను పరీక్షిస్తాడు. దౌర్జన్యం అంటే ఇష్టమున్నవాళ్ళనూ, దుర్మార్గులనూ ఆయన ద్వేషిస్తాడు.

[6] దుర్మార్గుల మీద ఆయన నిప్పుకణాలు వర్షించేలా చేస్తాడు. అగ్ని గంధకాలు, వడగాలి వాళ్ళ పాన పాత్రలోని పదార్థాలు.

[7] యెహోవా న్యాయవంతుడు. ఆయనకు న్యాయమంటే ఎంతో ఇష్టం. యథార్థవంతులకు ఆయన ముఖ దర్శనం కలుగుతుంది.