<Zaburuw 150

[1] Aw ka Matigi tanu. Aw ka Ala tanu a ka yɔrɔ senuma kɔnɔ. Aw ka a tanu sankolo furancɛ la, a ka sebaaya bɛ jira yen.

[2] Aw ka a tanu a ka sebaaya ko kɛlenw kosɔn. Aw ka a tanu ka kɛɲɛ ni a bonyaba ye.

[3] Aw ka a tanu ni nkɔni ni npɔlɔn ye. Aw ka a tanu ni burukan ye.

[4] Aw ka a tanu ni ntama ni dɔnkɛ ye. Aw ka a tanu ni nkɔni ni file fyɛta ye.

[5] Aw ka a tanu ni nsiranɛgɛ tɛgɛrɛ mankanbaw ye. Aw ka a tanu ni nsiranɛgɛ tɛgɛrɛ fɔkan ye.

[6] Ninakili bɛ fɛn o fɛn na, olu bɛɛ ka Matigi tanu. Aw ka Matigi tanu.