[1] Dawuda ka Zaburu. Matigi, i ka ne ka delili lamɛn, ka i tulo majɔ ne ka delilibaw la. I ka ne jaabi i ka kantigiya ni i ka tilennenya kosɔn.
[2] I kana i ka jɔnkɛ don kiri la, k'a masɔrɔ Hadamaden si tilennen tɛ i ɲɛ na.
[3] Ne jugu b'a fɛ ka ne faga, a ye ne bi duguma ka ban. A ye ne coron dibiba la i ko mɔgɔ salen kɔrɔw.
[4] O de y'a to ne dusu barika banna ne kɔnɔ, ne hakiliɲaaminen don kosɛbɛ.
[5] Ne bɛ ne hakili jigin don tɛmɛnnenw la ka miiri i ka ko kɛlenw bɛɛ la. Ne bɛ miiri i bolo baara nɔw la.
[6] Ne bɛ ne bolow kɔrɔta i fan fɛ ka i deli, i ko bɛ ne dusu la, i ko ji ko bɛ dugukolo jalen na cogo min na. Sela.
[7] Matigi, i tɛliya ka ne jaabi, ne sɔn jara ne kɔnɔ. I kana i ɲɛda dogo ne la, walisa ne kana na kɛ i ko kaburu kɔnɔ donbaaw.
[8] I k'a to ne ka i ka makari dɔn kabini sɔgɔma da fɛ, k'a masɔrɔ ne ye ne jigi da i kan. Ne ka kan ka sira min taama, i ka o jira ne la, k'a masɔrɔ ne ye ne dusu sin i ma.
[9] Matigi, i ka ne kisi ne juguw ma, ne bɛ dogo yɔrɔ ɲini e de fɛ.
[10] I ka ne kalan i sago kɛli la, k'a masɔrɔ i ye ne ka Ala ye. I Niɲuman ka neɲɛ minɛ sira tilennen fɛ.
[11] Matigi, i ka neɲɛnamaya i tɔgɔba kosɔn, i ka ne sama ka bɔ tɔɔrɔ la i ka tilennenya kosɔn.
[12] I ka ne juguw halaki ka u ban i ka ɲumaya kosɔn, ka ne tɔɔrɔbaaw bɛɛ halaki, k'a masɔrɔ ne ye i ka jɔnkɛ ye.