[1] Dɔnkili dalaw kuntigi ka dɔnkili. Dawuda ka Zaburu.
[2] Matigi, i ka ne tila mɔgɔ juguw la, ka ne tanga mɔgɔ farinmaw ma.
[3] U bɛ juguya mara u dusukun na, ka u lajɛ kɛlɛ kama don o don.
[4] U ye u nɛnkun da diya i ko sa cogo, fɔnfɔnnin baga bɛ u dawolow jukɔrɔ. Sela.
[5] Matigi, i ka ne tila ka bɔ mɔgɔ juguw bolo, ka ne tanga mɔgɔ farinmaw ma, u tɛ miiri foyi la ne labili kɔ.
[6] Kuncɛbaw ye jan ni juruw da ne kama, ka jɔ fɛnsɛ sira da la, ka minɛli jan da neɲɛ. Sela.
[7] Ne y'a fɔ Matigi ye ko: «I ye ne ka Ala ye.» Matigi, i tulo majɔ ne kasikan na.
[8] Matigi Ala, ne tilabaa barikama, i ye ne kunkolo mara kɛlɛ don na.
[9] Matigi, i kana sɔn mɔgɔ jugu sago ma, i ka a ka dabaliw tiɲɛn, walisa a kana a kuncɛ bonya. Sela.
[10] Mɔgɔ minw ye ne lamini, ka ne lasiran ni u dala kumaw ye, i ka olu dala kuma juguw bi u yɛrɛw kun na.
[11] I ka takamiw bɔn u kan, ka u fili tasuma la ani ji dunbaw kɔnɔ, u tɛ se ka u yɛrɛw kisi olu minw ma.
[12] Nkalontigɛla kana sabati dugukolo kan, bɔnɛ ka tugu mɔgɔ farinmaw nɔ fɛ ka u sɔrɔ.
[13] Nka ne y'a dɔn ko Matigi na jo di mɔgɔ majiginnen ma, ka tiɲɛ di mɔgɔ tɔɔrɔlen ma.
[14] Ɔwɔ, mɔgɔ tilennenw na i tɔgɔ tanu, mɔgɔ jɛlenw na sigi i ɲɛ kɔrɔ.