[1] Dɔnkili dalaw kuntigi ka dɔnkili. «I kana halakili kɛ.» Dawuda ka Zaburu. Saul ye mɔgɔ ci ka taa Dawuda ka so kooli walisa k'a faga tuma min na, a ye nin dɔnkili da o tuma la.
[2] Ne ka Ala, i ka ne tila ka bɔ ne juguw bolo, ka ne kisi ne juguw ma.
[3] I ka ne tila tilenbaliya kɛbaaw la, ka ne kisi mɔgɔ fagalaw ma.
[4] U lajɛlen filɛ walisa ka ne faga. Mɔgɔ farinmaw ye ɲɔgɔn lajɛ ne kama, k'a sɔrɔ ne ma jalaki ko kɛ, k'a sɔrɔ ne ma jurumu kɛ.
[5] Matigi, u bɛ boli ka u labɛn ne fagali kama, k'a sɔrɔ ne ma ko jugu si kɛ. I ka kunun ka na ne yɔrɔ ka o filɛ.
[6] E Matigi, Kɛlɛbolowtigi Ala, Israɛl ka Ala, i ka wuli ka siyaw bɛɛ sara. I kana makari mɔgɔ jugu janfakɛla si la. Sela.
[7] U bɛ segin ka na wula fɛ ka kasi i ko wuluw ka boliboli dugu yɔrɔw bɛɛ la.
[8] U daw bɛ nenili fɔɔnɔ, u ka kumaw bɛ joginni kɛ i ko npan. U b'a fɔ ko: «Jɔn tulo bɛ an kan na?»
[9] Nka e Matigi, i bɛ yɛlɛ bɔ u la, i bɛ yɛlɛ bɔ o siyaw bɛɛ la.
[10] E min ye ne barika ye, ne bɛ e de filɛ, k'a masɔrɔ Ala ye ne marabaa ye.
[11] Ala min ye ne kanu, o bɛ na ne dɛmɛ. Ala n'a to ne ka ne juguw bɛɛ bilen ye.
[12] I kana u bɛɛ faga, walisa ne ka mɔgɔw kana ɲinɛ u ka tɔɔrɔw kɔ. Nka i ka sebaaya ka u jɛnsɛn ka u halaki. Matigi, e de ye an ka nɛgɛ bɛnnan ye.
[13] Kuma o kuma bɛ bɔ u da la, o bɛɛ ye jurumu de ye. U ka minɛ u yɛrɛw ka jan na u ka kuncɛbaya kosɔn. U tɛ foyi kɛ ni dangali ni nkalon tigɛ tɛ.
[14] I ka u halaki ni dimiya ye. I ka u halaki ka u ban pewu, walisa u k'a dɔn ko Ala min bɛ Yakuba cɛma, o bɛ dugukolo yɔrɔw bɛɛ mara. Sela.
[15] U bɛ segin ka na wula fɛ ka kasi i ko wuluw, ka boliboli dugu yɔrɔw bɛɛ la.
[16] U bɛ yaalayaala ka dumuni ɲini, ni u ma fa, u na si ten.
[17] Nka ne na i ka sebaaya ko fɔ dɔnkili la. Ne na i ka ɲumaya ko fɔ sɔgɔma da fɛ, k'a masɔrɔ i ye ne marabaa ni ne dogo yɔrɔ ye degun don na.
[18] E de ye ne barika ye, ne na i bonya ni dɔnkili ye, k'a masɔrɔ Ala ye ne marabaa ye. Ne ka Ala, i ka ɲi.