[1] Dawuda ka Zaburu. Ne bɛ barika da i ye ni ne dusukun bɛɛ ye, ne na i tanuli dɔnkili da alaw ɲɛ kɔrɔ.
[2] Ne na ne biri ka neɲɛ sin i batosoba senuma ma, ka i tɔgɔ tanu i ka ɲumaya ni i ka kantigiya kosɔn, k'a masɔrɔ i ye i ka layidu dafa ni sɛbɛya ye, i tɔgɔba kosɔn.
[3] Ne ye i tɔgɔ wele don min na, i ye ne jaabi. I ye ne ja gɛlɛya ka ne ni kuraya.
[4] Matigi, ni dugukolo kan masakɛw ye i ka kuma mɛn tuma min na, u bɛɛ na i bonya.
[5] U na Matigi ka kɛwalew ko fɔ dɔnkili la, k'a masɔrɔ Matigi nɔɔrɔ ka bon.
[6] Ɔwɔ, Matigi Kɔrɔtalenba bɛ mɔgɔ majiginnenw filɛ, wa a bɛ kuncɛbaw fana dɔn ka u to yɔrɔ jan.
[7] Hali ni ne donna tɔɔrɔbaw la, i na ne kisi, i na i bolo mɔɔnɔbɔ ne juguw ka dimiya kama, i kininbolo na ne kisi.
[8] Matigi, i ye ko ɲuman min kɛli daminɛ ne ye, i ka o dafa. Matigi, i ka ɲumaya bɛ to badaa, i kana i bolo baara nɔ bila k'a to yen.