[1] Dawuda ye nin delili dɔnkili da k'a to kuluwo kɔnɔ.
[2] Ne kan ka se Matigi ma, ne ka delilikan ka se Matigi ma.
[3] Ne bɛ ne kɔnɔna kow bɛɛ fɔ a ye k'a foori, ka ne ka tɔɔrɔ kow jira a la.
[4] Ni ne jigi tigɛra, i bɛ ne ka sira dɔn. Ne bɛ taa sira min fɛ, u ye jan da neɲɛ yen.
[5] I ka ne kinin yanfan filɛ k'a lajɛ. Mɔgɔ si tɛ a janto ne la, dogo yɔrɔ tɛ ne la, mɔgɔ si tɛ hami ne ko la.
[6] Matigi, ne kasira i nɔ fɛ, ne ko: «I ye ne dogo yɔrɔ ye, i ye ne ciyɛn ye dugukolo kan mɔgɔɲɛnamaw cɛma.
[7] I ka i tulo majɔ ne kasikan na, k'a masɔrɔ ne ye mɔgɔ degunnen de ye. I ka ne tila ne nɔgɛnbaaw la, k'a masɔrɔ u barika ka bon ni ne ta ye.
[8] I ka ne sama ka bɔ kaso la, walisa ne ka i tɔgɔ bonya. Mɔgɔ tilennenw na ne lamini, k'a masɔrɔ i na ko ɲuman kɛ ne ye.»