[1] Asaf ka Zaburu. Ala, siyaw ye i ka ciyɛn minɛ, ka i batosoba senuma nɔgɔ ka Jerusalɛm ci.
[2] U ye i ka baaradenw su di sanfɛ kɔnɔw ma ka i ka mɔgɔ senumaw sogo di dugukolo kan waraw ma.
[3] U ye olu joli bɔn ka Jerusalɛm lamini i ko ji, mɔgɔ si ma sɔrɔ ka u suw don.
[4] An kɛra mafiɲɛyali fɛn ye an sigiɲɔgɔnw fɛ, ka kɛ yɛlɛbɔ fɛn ni nparabɔ fɛn ye an lamini mɔgɔw fɛ.
[5] An Matigi, i diminnen na to an kɔrɔ badaa wa? I ka keleya na jenili kɛ i ko tasuma mana wa?
[6] I k'i ka dimiya bɔn siyaw kan, olu minw tɛ i dɔn ani masaya minw tɛ i tɔgɔ wele.
[7] K'a masɔrɔ u ye Yakuba dun ka a sigi yɔrɔ tiɲɛn.
[8] I kana an minɛ an ka tilenbaliya tɛmɛnnenw na. I tɛliya ka na an dɛmɛ i ka hinɛ kosɔn. An tɔɔrɔlen bɛ kosɛbɛ.
[9] An Kisibaa Ala, an dɛmɛ i tɔgɔba kosɔn. An tila ka an ka jurumu yafa an ma i ka kanuya kosɔn.
[10] Mun kosɔn siyaw k'a fɔ ko: «U ka Ala bɛ min?» Siya minw ye i ka jɔnw joli bɔn, i ka i ka jɔnw joli hakɛ bɔ olu la anɲɛ na.
[11] Kasola mɔgɔw nwunankan ka se i ma, minw bɛ faga, olu kisi ni kininbolo barikama ye.
[12] Matigi, an sigiɲɔgɔnw ye i mafiɲɛya cogo min na, i ka u ka mafiɲɛyali bɔɲɔgɔnko wolonwula kɔsegin u ma.
[13] Nka anw, i ka siya ani i ka saga maralenw, an na barika da i ye badaa. An na i tanuli kow fɔ bɔnsɔn nataw bɛɛ ye.