<Zaburuw 126

[1] Jerusalɛm taa dɔnkili. Matigi ye mɔgɔ minɛlenw kɔsegin ka bɔ jɔnya la ka na Sion tuma min na, a kɛra anɲɛ na i ko sugo don.

[2] O tuma la an yɛlɛla kosɛbɛ, an nɛnkun ye ɲagali dɔnkili da. A fɔra siyaw ye o tuma la ko: «Matigi ye kobaw kɛ u ye.»

[3] Ɔwɔ, Matigi ye kobaw kɛ an ye, o de kosɔn an bɛɲagali.

[4] Matigi, i ka an ka mɔgɔ minɛlenw kɔsegin, i ko worodugu yanfan kɔw bɛ sanji sɔrɔ cogo min na.

[5] Minw bɛ danni kɛ niɲɛji ye, olu na suman tigɛ niɲagali dɔnkili ye.

[6] Min kasitɔ bɔra ka taa ni danni si ye, o nisɔndiyalen na segin ni a ka kansiriw ye, siga t'a la.