[1] Aw ka Matigi tanu. Aw ka dɔnkili kura da Matigi ye ka a tanuli dɔnkili da a ka senumaw jama cɛma.
[2] Israɛl ka ɲagali a Dabaa la, Sion denw ka ɲagalikanba bɔ u ka Masaba kosɔn.
[3] U ka barika da a ye ni dɔnkɛ ye, u ka a tanuli dɔnkili da ni ntama ni nkɔni ye,
[4] k'a masɔrɔ Matigi diyaɲe fɛn ye a ka mɔgɔw ye, a bɛ mɔgɔ majiginnenw masiri ni kisili ye.
[5] A ka senumaw ka ɲagali ka nɔɔrɔ da Ala kan, u ka ɲagalikanba bɔ ka u to u ka dalanw kan.
[6] Ala tanuli dɔnkili bɛ u da la, npan da fila da duman bɛ u bolo,
[7] walisa u ka u mɔnɛbɔ siyaw la, ka mɔgɔw halaki,
[8] ka u ka masakɛw siri ni nɛgɛ jɔlɔkɔw ye, ka u ka faamaw senw don nɛgɛ la,
[9] walisa ka kiri tigɛ u kan, o tun fɔra u kama. O bɛɛ n'a ta Ala na nɔɔrɔ di a ka senumaw bɛɛ ma. Aw ka Matigi tanu.