[1] Aw ka barika da Matigi ye k'a masɔrɔ a ka ɲi, a ka makari bɛ to badaa.
[2] Matigi ye minw kunmabɔ ka bɔ u tɔɔrɔbaaw bolo, ka u lajɛ ka bɔ jamanaw bɛɛ la, kɔrɔn ni tilebi, ni saheli ni worodugu yanfan fɛ, olu ka Matigi ka kunmabɔli ko fɔ.
[4] U tununnen tun bɛ yaala kungokolon kɔnɔ, sira tun tɛ yen. U ma dugu si sɔrɔ ka u sigi yen.
[5] Kɔngɔ ni minnɔgɔ tun bɛ u la, u sɔn jalen tun bɛ u kɔnɔ.
[6] O tuma la u kasira Matigi nɔ fɛ u ka tɔɔrɔw kosɔn, a ye u tila u degun kow bɛɛ la.
[7] A ye u ɲɛ minɛ sira tilennen fɛ, fo ka taa se u sigi dugu kɔnɔ.
[8] Ayiwa mɔgɔw ka Matigi tanu a ka makari kosɔn, ani a ka kabako kɛlenw kosɔn Hadamadenw ye,
[9] k'a masɔrɔ minnɔgɔ tun bɛ minw na, a ye ji di olu ma, kɔngɔ tun bɛ minw na, a ye olu fa dumuni la.
[10] Dɔ wɛrɛw sigilen tun bɛ dibi la ani saya suma kɔrɔ, olu tun bɛ jɔnya la, u tun bɛ nwunan ka u to jɔlɔkɔw la,
[11] Ala ka kuma kan bilali kosɔn, ani Kɔrɔtalenba ka laadili lagosili kosɔn.
[12] O de kosɔn a ye u dusukun majigin ni tɔɔrɔba ye, u bira, mɔgɔ si ma u dɛmɛ.
[13] O tuma la u kasira Matigi nɔ fɛ u ka tɔɔrɔw kosɔn, a ye u tila u degun kow bɛɛ la.
[14] A ye u sama ka bɔ dibi la ni saya suma kɔrɔ, ka u ka sirilanw tigɛ.
[15] Ayiwa mɔgɔw ka Matigi tanu a ka makari kosɔn, ani a ka kabako kɛlenw kosɔn Hadamadenw ye,
[16] k'a masɔrɔ a ye nsiranɛgɛ konw kari, ka kon balabala nɛgɛlamaw tigɛ.
[17] Hakilintan minw tun bɛ u cɛma, olu doninen tun bɛ ni tɔɔrɔ ye, u ka kanbilali ni u ka tilenbaliya kosɔn.
[18] U ɲiginna dumuni fɛn bɛɛ la, u tun taara fo ka se saya donda la.
[19] O tuma la u kasira Matigi nɔ fɛ u ka tɔɔrɔw kosɔn, a ye u tila u degun kow bɛɛ la.
[20] A ye a ka kuma ci u ma ka u kɛnɛya, a ye u sama ka bɔ u kaburuw kɔnɔ.
[21] Ayiwa mɔgɔw ka Matigi tanu a ka makari kosɔn, ani a ka kabako kɛlenw kosɔn Hadamadenw ye.
[22] U ka nisɔndiya sarakaw bɔ, ka a ka kɛwalew lakali niɲagali dɔnkili ye.
[23] Minw tun bɛ kɔgɔji kan taama kɛ u ka kurunw kɔnɔ, ka jago kɛ kɔgɔjiba kan,
[24] olu ye Matigi ka kɛwalew ye, ani a ye kabako minw kɛ ji jukɔrɔ.
[25] A y'a fɔ ko fiɲɛba ka ci, o ye kɔgɔji kuruw lawuli.
[26] U ka kurunw tun bɛ yɛlɛn san fɛ ka jigin ji jukɔrɔ, u ni tun bɛ farati la.
[27] U ɲɛnaminina ka talontalon i ko dɔlɔtɔ, u dabali banna.
[28] O tuma la u kasira Matigi nɔ fɛ u ka tɔɔrɔw kosɔn, a ye u tila u degun kow bɛɛ la.
[29] A ye fiɲɛba mada, jikuruw madara.
[30] U ɲagalila olu madali kosɔn. Matigi ye u ɲɛ minɛ fo ka se u sago la dankan na.
[31] Ayiwa mɔgɔw ka Matigi tanu a ka makari kosɔn, ani a ka kabako kɛlenw kosɔn Hadamadenw ye.
[32] U ka a tanu jama cɛma, ka barika da a ye cɛkɔrɔbaw kaɲɔgɔn lajɛ yɔrɔ la.
[33] Matigi bɛ bajiw yɛlɛma ka kɛ kungokolon ye, ka ji boyiw yɛlɛma ka kɛ dugukolo jalen ye,
[34] ka dugukoloɲuman yɛlɛma ka kɛ dugukolo nafantan ye, a kɔnɔ mɔgɔw ka juguya kosɔn.
[35] A bɛ kungokolon jintan fana yɛlɛma ka kɛ dala ye, ka dugukolo jalen kɛ ji boyi yɔrɔ ye.
[36] A bɛ kɔngɔtɔw sigi o kɔnɔ, olu bɛ dugu sigi yen ka kɛ u sigi yɔrɔ ye,
[37] ka forow sɛnɛ ka rezɛn sunw turu ka sɛnɛ fɛnw caman sɔrɔ.
[38] Ala bɛ duba u ye, u bɛ jiidi kosɛbɛ, a tɛna sɔn u ka baganw ka dɔgɔya.
[39] Dɔ wɛrɛw bɛ dɔgɔya ka majigin, tɔɲɔli ni sɛgɛn aniɲɛnasisi fɛ.
[40] Matigi bɛ dɔgɔyali lase faamaw ma, a b'a to u fililen ka yaalayaala kungokolonba sirantan kɔnɔ.
[41] Nka a bɛ kɔlibaatɔw tila ka bɔ u degun kow la, ka u ka gwaw mɔgɔw caya i ko bagankulu.
[42] Mɔgɔ tilennenw na o ye ka ɲagali, nka mɔgɔ tilenbaliw bɛɛ da tugulen na to.
[43] Hakilitigi na o ye ka hakili sɔrɔ ka Matigi ka ɲumaya jate.