[1] Lafiɲɛ don dɔnkili. Zaburu.
[2] A ka ɲi ka Matigi tanu ka Kɔrɔtalenba tɔgɔ fɔ dɔnkili la,
[3] ka i ka ɲumaya ko fɔ sɔgɔma da fɛ, ka i ka kantigiya ko fɔ su fɛ,
[4] ni nkɔni juru tan ni npɔlɔn ani nkɔnikanw ye.
[5] E Matigi, i ye ne nisɔndiya ni i ka kɛwalew ye. Ne na ɲagali i bolo baara nɔ la.
[6] Matigi, i ka kɛwalew ka bon, i miiriliw ka dun kosɛbɛ.
[7] Nalonma tɛ se ka o faamu, hakilintan fana t'a faamu.
[8] Hali ni mɔgɔ juguw nugura i ko bin, ni tilenbaliya kɛbaaw ye feere bɔ, u na halaki ka ban.
[9] Nka Matigi, e de ye Kɔrɔtalenba ye badaa.
[10] I juguw, Matigi, i juguw na halaki. Tilenbaliya kɛbaaw bɛɛ na jɛnsɛn.
[11] I ye ne barika bonya i ko sigi barika, ne munna ni tulu kura ye.
[12] Neɲɛ ye a sago ye ne juguw la, ne tulo ye a sago mɛn ne la ɲinibaa juguw la.
[13] Mɔgɔ tilennenw na nugu i ko ntamaro sun, u na bonya i ko Liban sedere sun.
[14] U turulen bɛ Matigi ka so kɔnɔ, u na nugu an ka Ala ka dukɛnɛw la.
[15] Hali ni u kɔrɔla, u bɛ den, u na fa ji la ka nugu,
[16] walisa u k'a jira ko Matigi bɛ kiri tigɛ ni tilennenya ye. Ale ye ne ka farakurun ye, tilenbaliya si tɛ a la.