[1] Dawuda ka Zaburu. Dugukolo ni a kan fɛnw bɛɛ ye Matigi ta ye, diɲɛ ni a kɔnɔ fɛnw fana ye a ta ye,
[2] katuguni ale ye a ju sigi kɔgɔji kan, ka a bama bajibaw kan.
[3] Jɔn na yɛlɛn Matigi ka kulu kan? Jɔn na jɔ a ka yɔrɔ senuma la?
[4] Mɔgɔ min bolo jɛlen don, ni a ma a dusukun bila nkalon sira kan, ka i kali nkalon kan.
[5] O tigi na Matigi ka duba sɔrɔ, ka tilennenya sɔrɔ a kisilitigi Ala fɛ.
[6] Siya min bɛ i ɲini, o filɛ o ye, min bɛ i ɲɛda ɲini, o ye Yakuba bɔnsɔn de ye. Sela.
[7] A' ye aw kunw kɔrɔta, donda la konw, aw bɛɛ ka aw da yɛlɛ donda la kon banbaliw, nɔɔrɔ masakɛ bɛ don.
[8] Jɔn ye o nɔɔrɔ masakɛ ye? O ye Matigi barikama, Sebaayabɛɛtigi ye, Matigi, barikama kɛlɛ la.
[9] A' ye aw kunw kɔrɔta, donda la konw. A' ye aw kɔrɔta, donda la kon banbaliw. Nɔɔrɔ masakɛ bɛ don.
[10] Jɔn ye o nɔɔrɔ masakɛ ye? O ye Kɛlɛbolow Matigi de ye. Ale de ye nɔɔrɔ masakɛ ye. Sela.