[1] Matigi bɛ masaya la, dugukolo ka ɲagalikan bɔ. Gun caman bɛ nisɔndiya.
[2] Sankaba ni dibi y'a lamini, tilennenya ni sɛbɛya ye a ka masaya jusigilan de ye.
[3] Tasuma bɛ taa a ɲɛfɛ, ka a lamini juguw bɛɛ jeni.
[4] A ka sanpɛrɛn ye yeelen bɔ diɲɛ ye, dugukolo y'o ye ka yɛrɛyɛrɛ.
[5] Kuluw bɛɛ yeelela Matigi ɲɛ kɔrɔ i ko di kɛɲɛ. U yeelela dugukolow bɛɛ Matigi ɲɛ kɔrɔ.
[6] Sankolow bɛ a ka tilennenya lakali, siyaw bɛɛ bɛ a nɔɔrɔ ye.
[7] Ja batobaaw bɛɛ kunna sirila maloya fɛ, olu minw bɛɛ bɛ u yɛrɛw bonya boliw ko la. Bato fɛnw bɛɛ bɛ u biri Matigi ɲɛ kɔrɔ.
[8] Sion ye o kibaru mɛn, a ɲagalila. Matigi, Juda duguw ye ɲagalikanba bɔ i ka kiri tigɛlen kosɔn,
[9] k'a masɔrɔ Matigi, e de ye Ala Kɔrɔtalenba ye bɛɛ kun na. I kɔrɔtalen bɛ bato fɛn tɔw bɛɛ san fɛ kosɛbɛ.
[10] Aw minw bɛ Matigi kanu, aw ka ko jugu koniya. A bɛ a ka senumaw ni mara, ka u tila ka bɔ mɔgɔ juguw bolo.
[11] Kɛnɛ bɛ bɔ mɔgɔ tilennenw ye, ɲagali ye mɔgɔ dusu tilennenw ta ye.
[12] Aw mɔgɔ tilennenw ka ɲagali Matigi la ka a tɔgɔ senuma ko fɔ dɔnkili la.