[1] Zerak bɔnsɔn Etan ka kalan dɔnkili.
[2] Ne na Matigi ka ɲumaya ko fɔ dɔnkili la. Ne da na a ka kantigiya ko fɔ san o san.
[3] Ne ko: «I ka nɛɛma bɛ to badaa, i ye i ka kantigiya sabati sankolow kɔnɔ.»
[4] Matigi ko: «Ne ye layidu ta ne kaɲɛnatɔmɔlen ye, ne tun ye ne kali ne ka jɔnkɛ Dawuda ye ko:
[5] ‹Ne na i bɔnsɔn sabati badaa, ka i ka masaya sabati badaa.›» Sela.
[6] Matigi, sankolow na i ka kabakow lakali, ka i ka kantigiya ko fɔ senumaw cɛma.
[7] Matigi, i bɔɲɔgɔnko jumɛn bɛ sankolo la? Matigi bɔɲɔgɔnko jumɛn bɛ sankolola fɛnw cɛma?
[8] Ala ye siranfɛnba ye a ka jama senuma cɛma, siranɲɛfɛn ka tɛmɛn a kɛrɛfɛ fɛnw bɛɛ kan.
[9] Sebaayabɛɛtigi Matigi Ala, sebaaya bɛ jɔn fɛ i ko e? Matigi, i ka kantigiya ka ɲi, a bɛ i fan bɛɛ la.
[10] E de bɛ kɔgɔji lamagatɔ mada, ni a jikuruw wulila, e de bɛ u mada.
[11] I ye Misiraɲɔɲɔ ka a faga, i ye i juguw halaki ni i bolo barika ye.
[12] Sankolo ni dugukolo bɛɛ ye i ta ye, e de ye diɲɛ ni a kɔnɔ fɛnw bɛɛ da.
[13] E de ye saheli yanfan ni worodugu yanfan da, Tabɔr ni Hermɔn kuluw bɛɲagali i tɔgɔ kosɔn.
[14] Barika bɛ i bolo la, i bolo barika ka bon, i kininbolo bɛ fɛn bɛɛ kun na.
[15] Tilennenya ni tiɲɛ ye i ka masasigilan jusigilanw ye. Ɲumaya ni kantigiya bɛ taama i ɲɛ fɛ.
[16] Matigi, minw bɛ i bato cogo dɔn, olu ye dubadenw ye. U bɛ taama i ɲɛda kɛnɛ la.
[17] U bɛ tila ka ɲagali i tɔgɔ la, u bɛ bonya sɔrɔ i ka tilennenya kosɔn,
[18] k'a masɔrɔ e ye u nɔɔrɔ ni u fanga de ye, i ka ɲumaya bɛ an barika bonya.
[19] Tiɲɛ la, an ka nɛgɛ bɛnnan ye Matigi de ye. An ka Masakɛ ye Israɛl ka Senuma ye.
[20] I kumana i ka kanulen fɛ yeli fɛn na ka kɔrɔ. I ko: «Ne ye dɛmɛni di kɛlɛkɛ cɛ farin ma, ne ye kamalenɲɛnatɔmɔ ka bɔ ne ka mɔgɔw cɛma.
[21] Ne ye ne ka jɔnkɛ Dawuda sɔrɔ, k'a mun ni ne ka tulu senuma ye.
[22] Ne bolo na a mara, ne bolo na a barika bonya.
[23] Juguw tɛna bala a la, mɔgɔ jugu bolo tɛna se a ma.
[24] Ne na a juguw ɲɔɲɔ a ɲɛ ka a koniyabaaw gosi.
[25] Ne ka kantigiya ni ne ka ɲumaya na kɛ a fɛ. A na a kun kɔrɔta ne ka sebaaya barika la.
[26] Ne na a bolo barikama yankan kɔgɔji kun na, ka a kininbolo se bajiw ma.
[27] A na ne tɔgɔ wele nin cogo la ko: ‹I ye ne fa ye, ne ka Ala ni ne kisili farakurun.›
[28] Ne na a kɛ den fɔlɔ ye, k'a kɛ dugukolo kan masakɛw ka masakɛ ye.
[29] Ne na ne ka ɲumaya mara a ye badaa, ne ye layidu min ta a ye, o na dafa.
[30] Ne na bɔnsɔn di a ma badaa, a ka masasigilan na mɛn i ko sankolo.
[31] «Ni a bɔnsɔnw ye ne ka sariya bila, ni u ma sɔn ka taama ka kɛɲɛ ni ne ka ci fɔlenw ye,
[32] ni u ye ne ka ko latigɛlenw tiɲɛn, ni u ma sɔn ka ne ka sariya taama,
[33] o tuma la ne na u ka hakɛ sara ni bere ye, ka u ka tilenbaliya sara ni gosili kow ye.
[34] Nka ne tɛna ne ka makari mabɔ u la, ne tɛna ne ka kantigiya dabila.
[35] Ne tɛna ne ka layidu tiɲɛn, ne tɛna ne da ka kuma fɔlenw yɛlɛma.
[36] Ne ye ne kali ne ka senuya la siɲɛ kelen, ko ne tɛna nkalon tigɛ Dawuda ye.
[37] A bɔnsɔn na to badaa, a ka masaya na to ne ɲɛ kɔrɔ tuma bɛɛ i ko tile.
[38] A na to badaa i ko kalo, o ye sankolola seere kantigima de ye.» Sela.
[39] O bɛɛ n'a ta, i ye i ka munlen fili, ka ban a la, i diminna a kɔrɔ.
[40] I tun ye layidu min ta i ka jɔnkɛ ye, i ye o tiɲɛn. I y'a ka masafugula tereke buguri la.
[41] I ye a ka kogow bɛɛ bi duguma, ka a ka kɛlɛ kunbɛn sow ci.
[42] Sirafɛ tɛmɛnbaaw bɛɛ bɛ a fɛn dɔ cɛ, a kɛra mafiɲɛyali fɛn ye a sigiɲɔgɔnw fɛ.
[43] I y'a juguw bolo barika bonya, k'a to a juguw bɛɛ ka ɲagali.
[44] I ye a ka npan da duman da goya, i ma a dɛmɛ kɛlɛ la.
[45] I ye a nɔɔrɔ ban ka a ka masasigilan bi duguma.
[46] I ye a ka denmisɛnya waati dɔgɔya ka a kunna siri ni maloya ye. Sela.
[47] Matigi, i na to ka i yɛrɛ dogo fo tuma jumɛn? I ka dimiya na to ka jenili kɛ i ko tasuma fo tuma jumɛn?
[48] I hakili to a la ko ne si dama ka dɔgɔ, ko i ye Hadamadenw da ka u kɛ fɛn sataw ye.
[49] Mɔgɔ jumɛnɲɛnama na to ni a tɛ sa? Jɔn bɛ se ka a yɛrɛ ni tila saya fanga la?
[50] Matigi, i ka ɲumaya fɔlɔw bɛ min? i ye i kali o minw ko la Dawuda ye ni i ka kantigiya ye.
[51] Matigi, i ka i hakali to i ka jɔnw mafiɲɛyali kow la. I hakili to a la ko nin jamaba doni bɛ ne kun.
[52] Matigi, i juguw ye ne mafiɲɛya. I juguw tugura i ka munlen nɔ fɛ k'a mafiɲɛya.
[53] Matigi ka tanu badaa badaa. Amiina, amiina.