[1] Dɔnkili dalaw kuntigi ka dɔnkili min dara ni fɔlifɛn ye. Dawuda ka Zaburu.
[2] Ala, i ka ne kasikan lamɛn, ka i tulo majɔ ne ka delili la.
[3] Ka ne to dugukolo dan na, ne barika dɛsɛlen bɛ kasi i nɔ fɛ. Farakurun min ka jan ne ma, i ka taa ni ne ye o kan,
[4] k'a masɔrɔ i kɛra ne dogo yɔrɔ ye ani kɛlɛ kunbɛn so barikama ka ne kisi ne juguw ma.
[5] Ne na sigi i ka finiso kɔnɔ badaa, ka ne dogo i kaman suma kɔrɔ. Sela.
[6] Ala, e de ye ne ka dafalew lamɛn ka ciyɛn di ne ma i ɲɛsiranbaaw cɛma.
[7] I ka masakɛ si tile janya, a si san ka mɛn fo ka se bɔnsɔn nata caman ma.
[8] A ka sigi masaya la Ala ɲɛ kɔrɔ tuma bɛɛ. I ka i ka nɛɛma ni i ka kantigiya di a ma, ka kɛ a marabaa ye.
[9] Ayiwa, ne na i tanuli dɔnkili da tuma bɛɛ, ka ne ka dafale sarakaw bɔ don o don.