[1] Dɔnkili min dara Ala ka so dili waati la. Dawuda ka Zaburu.
[2] Matigi, ne bɛ i tanu, katuguni i ye ne kɔrɔta. I ma sɔn ne juguw ka ɲagali ne kosɔn.
[3] Matigi, ne ka Ala. Ne kasira i nɔ fɛ, i ye ne kɛnɛya.
[4] Matigi, e de ye ne ni labɔ saya la. I ye ne ɲɛnama to walisa ne kana don kaburu kɔnɔ.
[5] Matigi ka tilennenw, a' ye Matigi tanu ni dɔnkili ye ka a ka senumaya ko fɔ.
[6] K'a masɔrɔ a ka dimiya bɛ ban joona, nka a ka ɲumaya bɛ to tuma bɛɛ. Hali ni su bɛɛ kɛra kasi ye, dugujɛ da fɛ, ɲagali bɛ kɛ.
[7] Ne kɔni, ka ne lakanalen to, ne ko: «Foyi tɛna ne lamaga.»
[8] Matigi, i ye ne ka kulu sabati i ka nɛɛma barika la. Nka i ye i ɲɛda dogo ne la, ne hakiliɲaamina.
[9] O tuma la, Matigi, ne kasira i nɔ fɛ, ne ye ne degun kow lase Matigi ma.
[10] Ne salen bɛ se ka munɲɛ i ye? Ni ne jiginna kaburu kɔnɔ, i bɛ mun nafa sɔrɔ o la? Buguri na i tanu wa? A na i ka kantigiya welewele da wa?
[11] Matigi, i tulo majɔ ka hinɛ ne la. Matigi, i ka ne dɛmɛ.
[12] I ye ne ka kasi yɛlɛma ka kɛɲagali ye. Cafu fini min tun bɛ ne la, i ye o bɔ ne la ka ne cɛ siri ni nisɔndiya ye,
[13] walisa ne dusukun ka i tanuli dɔnkili da, a kana o dabila. Matigi ne ka Ala, ne na i tanu tuma bɛɛ la.