[1] Aw ka Matigi tanu. Mɔgɔ min bɛ siran Matigi ɲɛ, ka a ka ci fɔlenw mara a dusukun na, o tigi ye dubaden ye.
[2] A bɔnsɔn na barika sɔrɔ dugukolo kan. Mɔgɔ tilennen bɔnsɔn na duba sɔrɔ.
[3] Hɛrɛ ni fɛntigiya bɛ mɔgɔ tilennen ka so kɔnɔ, a ka tilennenya bɛ to badaa.
[4] Kɛnɛyeelen bɛ bɔ mɔgɔ senuma ye dibi la, ani makaritigi hinɛma tilennen fana ye.
[5] Mɔgɔ sabalilen min bɛ juru don mɔgɔ degunlen na, o tigi ye dubaden ye. A na jo sɔrɔ a ka tilennenya kosɔn,
[6] k'a masɔrɔ foyi tɛna a lamaga. Ɲinɛ tɛna kɛ mɔgɔ tilennen kɔ abada.
[7] A tɛ siran kibaru juguɲɛ, k'a masɔrɔ a dusu sigilen, jigi dalen bɛ Matigi kan.
[8] A dusukun sigasigabali don, a tɛ siran, a na a sago kɛlen ye a juguw la don dɔ la.
[9] A bɛ a bolo labila ka fɛnw tilatila faantanw cɛ, a ka tilennenya bɛ to badaa, a bɛ a kun kɔrɔta ni bonya ye.
[10] Mɔgɔ jugu bɛ mɔgɔ tilennen ka hɛrɛ ye k'a ɲinɲimi, a na yeele ka ban i ko tulu. Mɔgɔ jugu jigi bɛ ban o cogo la.