[1] Dawuda ka dɔnkili. I ka ne kɔlɔsi, Ala, k'a masɔrɔ ne bɛ ne kalifa i ma.
[2] Ne y'a fɔ Matigi ye ko: «I ye ne Matigi de ye. E kelenpe de ye ko ɲumankɛbaa ye ne ye.»
[3] Ne y'a fɔ dugukolo kan Ala ɲɛsiranbaaw ye ko: «Aw ye mɔgɔ ɲumanbaw ye, aw ye ne diyaɲe mɔgɔw ye.»
[4] Mɔgɔ minw bɛ tugu bato fɛn wɛrɛw nɔ fɛ, olu ka tɔɔrɔ bɛ caya ka ta'a fɛ. Ne tɛna u ka saraka jolima kɔrɔtataw ɲɔgɔn bɔ, hali ne dawolow tɛna u ka bato fɛnw tɔgɔ fɔ.
[5] Matigi ye ne niyɔrɔ ni ne ka jifilen ye, ale de bɛ ne ka sini koɲɛnabɔ.
[6] Ne niyɔrɔ sumana yɔrɔɲumanɲumanw na. Ɔwɔ, ciyɛnɲumanɲuman bɛ ne fɛ.
[7] Ne na barika da Matigi ye, ne laadibaa don. Ne dusukun b'a wele hali su fɛ.
[8] Neɲɛ bɛ Matigi la tuma bɛɛ, sabu ale bɛ ne kinin fɛ, o de y'a to foyi tɛna ne lamaga.
[9] O de kosɔn ne nisɔndiyara, ne ni sewara, ne farikolo jigi sigilen na lafiya,
[10] katuguni i tɛna ne ni to saya bolo, i tɛna sɔn i ka Senuma ka toli.
[11] I naɲɛnamaya sira jira ne la. Ne falen bɛɲagali la i ɲɛ kɔrɔ, nisɔndiya kow bɛ i kinin fɛ badaa.