[1] Aw ka barika da Matigi ye. Aw ka Matigi tɔgɔ bonya, Matigi ka baaradenw ka barika da Matigi ye.
[2] Aw minw jɔlen bɛ Matigi ka so kɔnɔ ani an ka Ala ka so dukɛnɛw la,
[3] aw ka barika da Matigi ye k'a masɔrɔ a ka ɲi, a' ye dɔnkili da ka a tɔgɔ tanu, sabu a ka ɲi.
[4] Matigi ye Yakubaɲɛnatɔmɔ a yɛrɛ ye ka Israɛl ta ka kɛ a niyɔrɔ ye.
[5] Ɔwɔ, ne y'a dɔn ko Matigi ka bon, ko an Matigi ka bon ni bato fɛn tɔw bɛɛ ye.
[6] Min ka di Matigi ye, sankolo la ani dugukolo kan, ani kɔgɔji kɔnɔ ani dingɛ dunbaw kɔnɔ, a bɛ o de kɛ.
[7] A bɛ sankaba lawuli ka bɔ fo dugukolo dan na, a bɛ san yɛgɛyɛgɛ kɛ sanji cɛma, ka fiɲɛ labɔ a mara yɔrɔw la.
[8] Ale de ye Misira jamanaden fɔlɔw faga, k'a daminɛ mɔgɔw la ka taa bila baganw la.
[9] A y'a yɛrɛ jira e, Misira cɛma, ni taamashyɛnw ni kabakow ye ka Faraon ni a ka jɔnw bɛɛ tɔɔrɔ.
[10] A ye siya barikama caman gosi ka masakɛ barikamaw faga,
[11] Amɔr siya ka masakɛ Sihon ani Basan masakɛ Og ani Kanan jamana masakɛw bɛɛ.
[12] A ye olu ka jamana kɛ ciyɛn ye, ɔwɔ, a ka mɔgɔw Israɛl bɔnsɔn ciyɛn.
[13] Matigi, i tɔgɔ bɛ to badaa, Matigi, bɔnsɔn nataw bɛɛ hakili na to i la.
[14] Matigi na kiri tigɛ a ka mɔgɔw kan, ka hinɛ a ka jɔnw la.
[15] Siyaw ka boliw ye warijɛ ni sanu de ye, Hadamadenw bolo baara nɔw don.
[16] Da bɛ u la, nka u tɛ kuma, ɲɛ bɛ u la, nka u tɛ yeli kɛ.
[17] Tulo bɛ u la, nka u tɛ mɛnni kɛ, ninakili si tɛ bɔ u daw fɛ.
[18] U dilabaaw ani minw bɛɛ bɛ u jigi da u kan, olu na kɛ u bɔɲɔgɔnko ye.
[19] Israɛl ka so, aw ka Matigi tanu. Aron ka so, aw ka Matigi tanu.
[20] Levi ka so, aw ka Matigi tanu. Aw minw bɛ siran Matigi ɲɛ, a' ye Matigi tanu.
[21] Aw ka Matigi tanu Sion, ale min ye Jerusalɛm kɛ a sigi yɔrɔ ye. Aw ka Matigi tanu.