<Zaburuw 67

[1] Dɔnkili dalaw kuntigi ka dɔnkili. Dɔnkili min dara ni nkɔni juruw ye. Zaburu. Dɔnkili.

[2] Ala ka hinɛ an na ka duba an ye. A ɲɛda kɛnɛ ka manamana an ye, Sela,

[3] walisa an ka i ka kow dɔn dugukolo kan, ani i ka kisili ka dɔn siyaw bɛɛ fɛ.

[4] Ala, siyaw ka i tanu, siyaw bɛɛ ka i bonya.

[5] Siyaw ka ɲagali ka nisɔndiya dɔnkili da, k'a masɔrɔ i na kiri tigɛ siyaw kan ni tilennenya ye. I na kɛ siyaw ɲɛminɛbaa ye dugukolo kan. Sela.

[6] Ala, siyaw ka i tanu, siyaw bɛɛ ka i bonya.

[7] Dugukolo sɛnɛ fɛnw ɲɛna, Ala, an ka Ala na duba an ye.

[8] Ɔwɔ, Ala na duba an ye, dugukolo kan Hadamadenw bɛɛ na siran a ɲɛ.