<Zaburuw 1

[1] Mɔgɔ min tɛ sɔn ka mɔgɔ juguw ka laadili sira taama, ni a tɛ sɔn ka i jɔ jurumukɛlaw ka sira jugu la, ni a tɛ i sigi nparabɔlaw cɛma,

[2] nka Matigi ka sariya ko ka di a ye haali, a bɛ miiri o sariya la su fara tile kan, o ye dubaden ye.

[3] O tigi bɛ i ko jiri min turulen bɛ jiwoyo da la, a bɛ den a den tuma la. O jirifura tɛ fɔsɔnfɔsɔn. O tigi bɛ fɛn o fɛn kɛ, o bɛɛ bɛɲɛ.

[4] Nka mɔgɔ juguw tɛna kɛ ten dɛ, u na kɛ i ko nwɛɲɛ min bɛ taa fiɲɛ fɛ.

[5] O de kosɔn mɔgɔ juguw na jalaki kiri don na, jurumukɛlaw tɛna jɔ mɔgɔ tilennenw ka jama la.

[6] K'a masɔrɔ Matigi bɛ mɔgɔ tilennenw ka sira dɔn, nka mɔgɔ juguw ka sira bɛ taa u bila halakili la.