<Zaburuw 87

[1] Korɛ denkɛw ka Zaburu. Dɔnkili. Jerusalɛm jusigilanw sigira kulu senumaw kan.

[2] Sion dugu ko ka di Matigi ye ka tɛmɛn Yakuba sigi yɔrɔ tɔw bɛɛ kan.

[3] Ala ka dugu, nɔɔrɔ nataw ko bɛ fɔ i ko la. Sela.

[4] Ne na Misira ni Babilonɛ jamana jate ne dɔnbaaw cɛma. Nin yɔrɔw na kɛ Filisitikaw ni Tirkaw ani Etiopi jamana mɔgɔw bange yɔrɔ ye.

[5] Ɔwɔ, a na fɔ Sion ko la ko: «U bɛɛ kelen-kelen bangera nin dugu kɔnɔ. Ko, Kɔrɔtalenba yɛrɛ ye nin dugu sigi.»

[6] Ni Matigi ye siyaw tɔgɔw sɛbɛn, a n'a jate ko nin mɔgɔw bangera yen. Sela.

[7] Dɔnkili dalaw ni dɔnkɛlaw fana n'a fɔ ko: «Ne kaɲɛnamaya boyi bɛɛ bɛ bɔ e de la.»