[1] Dɔnkili dalaw kuntigi ka dɔnkili min dara gitit la. Dawuda ka Zaburu.
[2] An Matigi Ala, i tɔgɔ bonyaba bɔra dugukolo yɔrɔw bɛɛ la, i nɔɔrɔba sera fo sankolow san fɛ.
[3] I ye tɔgɔ barikama don denmisɛnw ani sinminnaw da la ka i juguw maloya, walisa i ka kuma ban i jugu ni o mɔnɛbɔbaa da la.
[4] Ni ne bɛ i ka sankolow filɛ, i bolo baara nɔw, ani i ye kalo ni dolo minw da,
[5] ne ko: «Mɔgɔ ye mun ye, fo i bɛ miiri a ko la? Hadamaden ye mun ye, fo i bɛ i janto a la?»
[6] I y'a dɔgɔya ni Ala ye dɔɔnin. I ye nɔɔrɔ ni bonya don a kun na masafugula ye.
[7] I y'a sigi i bolo baara nɔ kun na, i ye a sigi fɛn bɛɛ kun na,
[8] sagaw ni misiw, hali kungo sogow
[9] ani sanfɛ kɔnɔw ni kɔgɔji la jɛgɛw ani fɛn o fɛn bɛ tɛmɛn kɔgɔji siraw fɛ.
[10] An Matigi Ala, i tɔgɔ bonyaba bɔra dugukolo yɔrɔw bɛɛ la.