[1] Aw ka Matigi tanu. Ne na barika da Matigi ye ni ne dusukun bɛɛ ye, mɔgɔ tilennenw ani jamaba cɛma.
[2] Matigi ka kɛwalew ka bon. U ko ka di minw ye, olu bɛɛ bɛ u sɛgɛsɛgɛ.
[3] Nɔɔrɔ ni bonya bɛ a ka kɛwalew bɛɛ la, a ka tilennenya bɛ to badaa.
[4] A y'a to a ka kabakow kana bɔ mɔgɔw kɔnɔ. Matigi ye makaritigi hinɛma ye.
[5] A bɛ dumuni di a ɲɛsiranbaaw ma, ka a hakili to a ka layidu la tuma bɛɛ.
[6] A y'a ka sebaaya kɛwalew jira a ka mɔgɔw la, ka ciyɛn di u ma siyaw cɛma.
[7] A bolo baara nɔw ye kantigiya ni tilennenya de ye, a ka ci fɔlenw bɛɛ sinsinnen don.
[8] U bɛ to badaa, u tɛ yɛlɛma, k'a masɔrɔ u jusigilan ye kantigiya ni ko tilennenw ye.
[9] A ye kisili ci a ka mɔgɔw ma, a ye a ka layidu sigi badaa. A tɔgɔ ka senu, siranfɛnba don.
[10] Matigi ɲɛsiran ye hakilitigiya daminɛ ye. A ka sariya marabaaw ye hakilitigiw ye. A tanuli bɛ to badaa.