[1] Dɔnkili dalaw kuntigi ka dɔnkili. Dawuda ka Zaburu.
[2] Matigi ka i jaabi degun don na. Yakuba ka Ala tɔgɔ ka i mara.
[3] A ka a ka dɛmɛni ci i ma ka bɔ a ka yɔrɔ senuma la, a ka barika di i ma ka bɔ Sion.
[4] A hakili ka to i ka diyaɲe nili fɛnw bɛɛ la, ka sɔn i ka saraka jenita la. Sela.
[5] A ka i dusukun diyaɲe fɛnw di i ma, a ka i ka ko latigɛlenw bɛɛ dafa.
[6] An na ɲagali i ka kisili la, an na an ka darapo kɔrɔta an ka Ala tɔgɔ la. Matigi ka i ka deliliw bɛɛ jaabi.
[7] Ne y'a dɔn sisan ko Matigi ye a kaɲɛnatɔmɔlen tila ka ban. A y'a jaabi k'a to a sigi yɔrɔ senuma la sankolo la k'a dɛmɛ ni a kininbolo barikama ye.
[8] Mɔgɔ dɔw jigi bɛ wotorow kan, dɔw jigi bɛ yɛlɛnkan sow kan, nka an na Matigi an ka Ala tɔgɔ wele.
[9] Olu kurula ka bi, nka an jɔlen sinsinnen tora.
[10] Matigi, i ka se di masakɛ ma. Ni an ye i tɔgɔ wele don min na, i ka an jaabi.