[1] Matigi ko ka di ne ye, k'a masɔrɔ a ye ne kan ni ne ka delilibaw lamɛn.
[2] A y'a tulo majɔ ne kan na, o de kosɔn ne na Matigi deli ne si tilew bɛɛ la.
[3] Saya juruw melekera ne la, saya jɔrɔ ye ne minɛ. Ne ye tɔɔrɔ niɲɛnasisi sɔrɔ.
[4] O tuma la ne ye Matigi tɔgɔ wele. Matigi, ne bɛ i deli, i ka ne kisi.
[5] Matigi ye makaritigi hinɛma ye, an ka Ala falen bɛ makari la.
[6] Matigi bɛ mɔgɔ dɛsɛlenw dɛmɛ, ne sɛgɛnnen tun don, a ye ne kisi.
[7] Ne dusukun, i ka kɔsegin i ka lafiya la, k'a masɔrɔ Matigi ye ko ɲuman kɛ i ye.
[8] Ɔwɔ, i ye ne ni kisi saya ma, ka neɲɛw kisiɲɛji bɔ ma, ka ne sen kisi bili ma.
[9] Ne na taama Matigi ɲɛ kɔrɔ, mɔgɔɲɛnamaw cɛma dugukolo kan.
[10] Ne dara a la, o de kosɔn ne kumana. Ne tɔɔrɔlenba tun don.
[11] Ne degunnen y'a fɔ ko: «Mɔgɔw bɛɛ ye nkalontigɛlaw ye.»
[12] Ne na mun kɔsegin Matigi ma a ka ko ɲuman kɛlenw bɛɛ kosɔn ne ye?
[13] Ne na kisili jifilen kɔrɔta ka Matigi tɔgɔ wele.
[14] Ne na ne ka dafalew bɔ Matigi ye a ka mɔgɔw bɛɛ ɲɛ na.
[15] Matigi ka kanulenw saya ye fɛnba ye a ɲɛ na.
[16] Matigi, i ka lamɛnni kɛ, k'a masɔrɔ ne ye i ka jɔnkɛ ye, i ka jɔnmuso denkɛ baarakɛla. I ye ne sirilanw foni.
[17] Ne na barika dali saraka bɔ i ye ka Matigi tɔgɔ wele.
[18] Ne na ne ka dafalew bɔ Matigi ye a ka mɔgɔw bɛɛ ɲɛ na,
[19] Matigi ka so dukɛnɛw la, Jerusalɛm, e yɛrɛ cɛmancɛ la. Aw ka Matigi tanu.