[1] Mɔgɔ min sigilen bɛ Kɔrɔtalenba ka dogo yɔrɔ la, o na lafiya Sebaayabɛɛtigi suma kɔrɔ,
[2] o n'a fɔ Matigi ye ko: «I ye ne dogo yɔrɔ ni ne ka kɛlɛ kunbɛn so de ye. I ye ne ka Ala ye, ne bɛ ne jigi da i kan.»
[3] Ale de na i kisi jan dalaw ka janw na, ka i kisi mɔgɔ faga fiɲɛbana ma.
[4] A na a kamanfuraw biri i kan, i na i dogo a kamanfuraw jukɔrɔ. A ka kantigiya ye nɛgɛ bɛnnan ni nɛgɛ dulɔki ye.
[5] I tɛna siran su fɛ siran fɛnw ɲɛ, wala biɲɛ min bɛ bon tile fɛ,
[6] wala fiɲɛbana min bɛ yaala dibi la, wala halaki ko min bɛ fagali kɛ tile gwan fɛ.
[7] Hali ni mɔgɔ waa kelen bira i kɛrɛ fɛ, ka mɔgɔ waa tan bi i kinin fɛ, a tɛna se i ma.
[8] Nka Ala bɛ mɔgɔ juguw sara cogo min na, i na o ye i ɲɛ la.
[9] Ɔwɔ, ni i ye Kɔrɔtalenba kɛ i jigi yɔrɔ ye, ka Matigi kɛ i dogo yɔrɔ ye,
[10] ko jugu si tɛna i sɔrɔ, bɔnɛ si tɛna se i ka so ma,
[11] k'a masɔrɔ a na ci di a ka mɛlɛkɛw ma ko olu ka i mara i ka siraw bɛɛ la.
[12] U na i ta u bolow la, walisa i sen kana gosi kabakurun si la.
[13] I na i sen da waraba ni fɔnfɔnnin kan, i na warabaden ni bilisi cɔngɔ i sen kɔrɔ.
[14] Ala ko: «A bɛ ne kanu kosɛbɛ, o de kosɔn ne na a tila. A ye ne dɔn, o de kosɔn ne na a mara.
[15] A na ne deli, ne na a jaabi. Ne na kɛ a fɛ tɔɔrɔ la, ne na a labɔ yen ka a bonya.
[16] Ne na si tile caman di a ma fo k'a wasa, ka ne ka kisili jira a la.»