[1] Dɔnkili dalaw kuntigi ka dɔnkili min dara ni nkɔni juruw ye. Asaf ka Zaburu. Dɔnkili.
[2] Juda bɔnsɔn bɛ Ala dɔn, a tɔgɔ ka bon Israɛl bɔnsɔn cɛma.
[3] A ka finiso bɛ Salɛm, a sigi yɔrɔ bɛ Sion.
[4] A ye kɛlɛkɛ minanw bɛɛ kari yen yɔrɔ nin kelen, biɲɛw ni nɛgɛ bɛnnanw ani npanw. Sela.
[5] Ala, nɔɔrɔ ni bonya bɛ i la ka tɛmɛn nafolo cɛbaaw ka kuluw kan.
[6] Cɛ farin minw dusu ka bon, olu tiɲɛnna, u ka kɛlɛkɛ cɛ farinw sunɔgɔra, olu bolo tɛ barika sɔrɔ tun.
[7] Yakuba ka Ala, wotoro bolilaw niɲɔgɔn dan bolilaw kirinna i ka kɔrɔfɔli kosɔn.
[8] E kelenpe de ye siranfɛnba ye. Jɔn bɛ se ka jɔ i diminnenbaɲɛ kɔrɔ?
[9] Ala y'i to sankolo la ka kiri ko kuma fɔ, dugukolo siranna k'i makun.
[10] Ala wulila kiri kama ko a na dugukolo kan mɔgɔ sabalilenw bɛɛ kisi. Sela.
[11] Hadamaden ka dimiya na yɛlɛma ka kɛ i tanuli ye. I na i cɛ siri ni dimiya tɔ tolen ye.
[12] Aw ka dafalew kɛ Matigi aw ka Ala ye ka u bɔ ka dafa. Aw lamini mɔgɔw bɛɛ ka na saraka ni nili fɛnw bɔ Ala ye, siranfɛnba don.
[13] Ala bɛ faama kuncɛbaw gosi, dugukolo kan masakɛw bɛɛ bɛ siran a ɲɛ.