<Zaburuw 122

[1] Jerusalɛm taa dɔnkili. Dawuda ta. A fɔra ne ye tuma min na ko an ka taa Matigi ka so la, o ye ne nisɔndiya.

[2] Jerusalɛm, an sen jɔlen bɛ i dondaw la.

[3] Jerusalɛm, i jɔra ko kura, i kindaw gunnen donɲɔgɔn na.

[4] Siyaw bɛ taa yen, Matigi ka siyaw kɔni, walisa u ka Matigi tɔgɔ bonya, ka kɛɲɛ ni sariya dilen ye Israɛl bɔnsɔn ma.

[5] Masasigilan sigira yen kiri kama, Dawuda ka so ka masasigilan kɔni.

[6] Aw ka delili kɛ Jerusalɛm ka hɛrɛ ko la, i kanubaaw na lafiya sɔrɔ.

[7] Hɛrɛ ka kɛ i lamini kogow kɔnɔ, lafiya ka kɛ i ka masaya sow kɔnɔ.

[8] Ne bɛ hɛrɛ deli i ye, ne balimaw ni ne teriw ka kanuya kosɔn.

[9] Ne bɛ ko ɲuman deli i ye, Matigi an ka Ala ka so kanuya kosɔn.