[1] Dɔnkili dalaw kuntigi ka dɔnkili. Korɛ denkɛw ka Zaburu.
[2] Siyaw, aw bɛɛ ka tɛgɛrɛ fɔ, aw ka ɲagalikanba bɔ Ala ye,
[3] katuguni Matigi ye Kɔrɔtalenba ye, siranfɛnba don, dugukolo bɛɛ ka masakɛba don.
[4] A bɛ siyaw bɛɛ kolo an ye, ka siyaw bɛɛ bila an sen kɔrɔ.
[5] A ye nin jamanaɲɛnatɔmɔ an ye ka kɛ an ciyɛn ye, a ka kanulen Yakuba nɔɔrɔ. Sela.
[6] Ala yɛlɛnna san fɛ ni pɛrɛnkanba ye, Matigi yɛlɛnna ni burukan ye.
[7] Aw ka tanuli dɔnkili da Ala ye, a' ye tanuli dɔnkili da. A' ye tanuli dɔnkili da an ka Masakɛ ye. A' ye tanuli dɔnkili da,
[8] k'a masɔrɔ Ala ye dugukolo bɛɛ ka Masakɛ ye. A' ye tanuli dɔnkili da.
[9] Ala bɛ siyaw mara. Ala sigilen bɛ a ka masasigilan senuma kan.
[10] Siyaw ka faamaw ye u lajɛ ka fara Ibrahima ka Ala ka mɔgɔw kan, katuguni diɲɛ la masakɛw ye Ala ta ye. A bɛ u bɛɛ kun na.