<Zaburuw 114

[1] Israɛl bɔnsɔn bɔra Misira tuma min na, Yakuba ka so farala ka bɔ jamana wɛrɛ la tuma min na,

[2] o tuma la Juda kɛra Matigi ka yɔrɔ senuma ye, Israɛl kɛra a ka mara ye.

[3] Kɔgɔji ye Ala ka mɔgɔw ye tuma min na, a bolila, Jurdɛn baji seginna kɔ fɛ.

[4] Kuluw panpanna i ko sagajigiw, tintinw panpanna i ko sagadenw.

[5] Mun kɛra i la kɔgɔji, fo i bɛ boli ka taa? Ani e fana Jurdɛn baji, fo i bɛ segin kɔ fɛ?

[6] Kuluw, mun kɛra aw la, fo aw bɛ panpan i ko sagajigiw, ani aw tintinw, fo aw bɛ panpan i ko sagadenw?

[7] Dugukolo, i ka yɛrɛyɛrɛ Matigi ɲɛ kɔrɔ, ka yɛrɛyɛrɛ Yakuba ka Ala ɲɛ kɔrɔ,

[8] o min bɛ farakurun yɛlɛma ka kɛ jiba ye, ka kɛrɛbɔ fara yɛlɛma ka kɛ ji boyi ye.