[1] Dɔnkili dalaw kuntigi ka dɔnkili. Baga feere ko la. Asaf ka Zaburu.
[2] Israɛl marabaa, i tulo majɔ, e min bɛ Yusufuɲɛ minɛ i ko sagakulu, e min ka masasigilan bɛ serubɛnw san fɛ, i ka i ka masaya nɔɔrɔ jira.
[3] I ka i ka sebaaya lawuli Efrayim ni Benjamɛn ani Manaseɲɛ na, ka na an kisi.
[4] Ala, i ka an lawuli, ka i ɲɛda kɛnɛ bɔ an ye, ka an kisi.
[5] Matigi Sebaayabɛɛtigi Ala, i diminnen tɛna sɔn ka i ka mɔgɔw jaabi fo tuma jumɛn?
[6] I y'a to u ka buuruɲɛjiman dun, i ye u lamin niɲɛji caman ye.
[7] I ye an kɛ sɔsɔli fɛn ye an sigiɲɔgɔnw cɛma, ka an kɛ yɛlɛbɔ fɛn ye an juguw cɛma.
[8] Sebaayabɛɛtigi Ala, i ka an lawuli, ka i ɲɛda kɛnɛ bɔ an ye, an na kisi.
[9] I ye rezɛn sun sama ka bɔ Misira, ka siyaw gɛn ka bɔ u nɔ na ka o turu yen.
[10] I ye dugukolo labɛn a ɲɛ, a dili donna kosɛbɛ fo ka se dugukolo yɔrɔw bɛɛ la.
[11] A suma ye kuluw lamini bɛɛ datugu, a bolow ye Ala ka sedere sunw datugu.
[12] A bolow woyora fo ka taa se kɔgɔji ma, fo ka taa se Ufrate ba da la.
[13] Mun kosɔn i ye a lamini sinsanw kari fo sira fɛ tɛmɛnbaaw bɛɛ bɛ a tiɲɛn?
[14] Kungo kɔnɔ lɛw bɛ a dili tiɲɛn, kungo sogow y'a kɛ u ka dumuni yɔrɔ ye.
[15] Sebaayabɛɛtigi Ala, i ka na, ka i to sankolo kɔnɔ, i ka i ɲɛ majigin ka nin rezɛn sun kɔlɔsi.
[16] I kininbolo ye rezɛn sun min turu, i ka o kɔlɔsi, ka i ɲɛ to i kaɲɛnatɔmɔlen na.
[17] I ka rezɛn sun jenina, a tigɛra, a bɛɛ tiɲɛnna i ka dimiya fɛ.
[18] I ye mɔgɔ min ɲɛnatɔmɔ ka sigi i kinin fɛ, i bolo da o kan ka a mara ka i ka mɔgɔɲɛnatɔmɔlen denkɛ barika bonya.
[19] Ni o kɛra, an tɛna muruti i ma tun. I ka anɲɛnama to, an na i tanu.
[20] Matigi, Sebaayabɛɛtigi Ala, i ka an lawuli, ka i ɲɛda kɛnɛ bɔ an ye, an na kisi.