<Zaburuw 125

[1] Jerusalɛm taa dɔnkili. Mɔgɔ minw jigi dalen bɛ Matigi kan, olu bɛɛ bɛ i ko Sion kulu, foyi tɛ se ka a lamaga, a bɛ to yen badaa.

[2] Jerusalɛm lamininen don ni kuluw ye cogo min na, Matigi bɛ a ka mɔgɔw lamini ten, kabini sisan fo badaa.

[3] K'a masɔrɔ kojugukɛlaw ka masaya bere tɛna to mɔgɔ tilennenw ciyɛn kun na, walisa mɔgɔ tilennenw kana u bolo mɔɔnɔbɔ tilenbaliya nɔ fɛ.

[4] Matigi, i ka ko ɲuman kɛ mɔgɔɲumanw ye, olu minw dusukun tilennen don.

[5] Nka minw bɛ taama sira dulenw fɛ, Matigi na olu ni tilenbaliyakɛlaw filiɲɔgɔn fɛ. Hɛrɛ ka kɛ Israɛl ye.