[1] Dawuda ka Zaburu. Ne naɲumaya ni tilennenya ko fɔ dɔnkili la, ne na barika da i ye, Matigi.
[2] Ne na ne jija ka sira tilennen taama. I bɛ na ne ma tuma jumɛn? Ne na taama ni dusukun dafalen ye ne ka so kɔnɔ.
[3] Ne tɛna sɔn ko jugu si ma. Mɔgɔ minw ye Ala bila, olu ka kɛwalew man di ne ye, ne ka nafa si tɛ olu la.
[4] Dusukun jugu na mabɔ ne la. Ne tɛna ko jugu si kɛ.
[5] Naafigi min bɛ a sigiɲɔgɔn tɔgɔ tiɲɛn dogo la, ne na o halaki. Mɔgɔ minw yadalen don ni u kuncɛ ka bon, ne tɛna olu muɲu.
[6] Ne na neɲɛ jɔ jamana kɔnɔ mɔgɔ tilennenw la ka olu sigi ne fɛ. Mɔgɔ min bɛ sira tilennen taama, o de na baara kɛ ne ye.
[7] Nanbarakɛla si tɛna sigi ne ka so kɔnɔ, nkalontigɛla si tɛna to ne ɲɛ kɔrɔ.
[8] Ne na jamana kɔnɔ mɔgɔw halaki don o don fo ka u ban, walisa kojugukɛlaw ka ban ka bɔ Matigi ka dugu kɔnɔ.