[1] Mun y'a to siyaw bɛ muruti? Mun y'a to mɔgɔw bɛ miiri hakilintanya kow la?
[2] Dugukolo kan masakɛw wulila Matigi ni a ka masakɛ ɲɛnatɔmɔlen kama. Kuntigiw fana ye ɲɔgɔn lajɛ, u ko:
[3] «An ka u ka sirilanw tigɛ ka u ka jurukisɛw fili ka bɔ an na.»
[4] Matigi min sigilen bɛ sankolow kɔnɔ, o na yɛlɛ. A na yɛlɛ bɔ u la.
[5] O tuma la a diminnen na kuma u fɛ, a dusu bɔlenba na u ja tigɛ.
[6] A ko: «Ne kɔni, ne ye ne ka masakɛ sigi ne ka kulu senuma Sion kan.»
[7] «Ne bɛ ko latigɛlen welewele da. Matigi y'a fɔ ne ye ko: ‹I ye ne Denkɛ ye, ne kɛra i fa ye bi.
[8] I ka ne deli, ne na siyaw di i ma ka kɛ i ciyɛn ye, ka dugukolo dan yɔrɔw di ka kɛ i ta ye.
[9] I na u karikari ni nɛgɛ bere ye, i na u ɲɔɲɔ i ko bɔgɔ daga.›»
[10] Ayiwa sisan, masakɛw, aw ka hakili sɔrɔ, dugukolo kan kiritigɛlaw, a' ye kalan lamɛn.
[11] Aw ka baara kɛ Matigi ye ni a ɲɛsiran ye, aw ɲagalitɔ ka yɛrɛyɛrɛ.
[12] Aw ka aw majigin a kɔrɔ k'a bonya walisa a dusu kana bɔ, ani aw kana na halaki aw ka sira la, k'a masɔrɔ a ka dimiya na wuli joona. Mɔgɔ minw bɛ u kalifa a la, olu ye dubadenw ye.