[1] Dɔnkili dalaw kuntigi ka dɔnkili. Dawuda ta.
[2] Edɔm Doeg ye Saul lasɔmi tuma min na k'a fɔ a ye ko: «Dawuda donna Akimelɛk ka so.»
[3] Cɛ barikama, mun kosɔn i bɛ i yɛrɛ bonya i ka juguya kosɔn? Ala ka ɲumaya bɛ yen tuma bɛɛ.
[4] I nɛnkun bɛ tiɲɛnni kow dabɔ. I ko sirifɛ da duman cogo, a bɛ nanbara kɛ.
[5] I bɛ ko jugu kanu ka tɛmɛn ko ɲuman kan. Nkalon ka di i ye ka tɛmɛn tiɲɛ kan. Sela.
[6] Tiɲɛnni kumaw bɛɛ ka di i ye, e nɛnkun lafilikɛla.
[7] O de kosɔn Ala na i tiɲɛn badaa. A na i minɛ ka i bɔ i ka finiso kɔnɔ, ka i dili sama ka bɔɲɛnamaw ka dugukolo kan. Sela.
[8] Mɔgɔ tilennenw na o ye ka siran, u na yɛlɛ a la, ko:
[9] «Ayiwa, mɔgɔ min ma Ala kɛ a dogo yɔrɔ ye, ni a jigi tun bɛ a ka nafolotigiyaba kan, ni a tun bɛ taama a ka sira jugu fɛ, o filɛ nin ye.»
[10] Nka ne bɛ i ko olive sun nugulen Ala ka du kɔnɔ. Ne ye ne yɛrɛ kalifa Ala ka makari ma tuma bɛɛ, badaa.
[11] Ne na barika da i ye tuma bɛɛ, sabu i ye i ka kɛwalew kɛ. Ne na ne jigi da i tɔgɔ kan i ka senumaw ɲɛ kɔrɔ, k'a masɔrɔ i ka ɲi.