[1] Dɔnkili dalaw kuntigi ka dɔnkili min dara ni kanba ye. Dawuda ka Zaburu.
[2] Matigi, i ka an kisi, katuguni Alaɲɛsiranbaaw banna. Dannamɔgɔ si tɛ Hadamadenw cɛma.
[3] U bɛ nkalon tigɛɲɔgɔn ye. U bɛ kuma nugulen fɔ u da la dɔrɔn, nka o tɛ u dusukun na.
[4] Matigi na dala kuma nugulen fɔbaaw ani kuncɛbaya kuma fɔbaaw halaki,
[5] ani minw bɛɛ b'a fɔ ko: «An bɛ se sɔrɔ ni an nɛnkun ye, an dawolow ye an yɛrɛw ta ye. Jɔni bɛ an kun na?»
[6] Ayiwa Matigi ko: «Fanga digira faantan minw na, ani kɔlibaatɔ minw bɛ nwunan, ne bɛ wuli sisan ka olu kisi ka kɛɲɛ ni u kasikan ye.»
[7] Matigi ka kumaw ye kuma jɛlenw de ye. U bɛ i ko warijɛ min yeelela dagani kɔnɔ ka jɛya siɲɛ wolonwula.
[8] Matigi, e de bɛ mɔgɔ tilennenw kɔlɔsi, i ka an mara nin waati mɔgɔw ma tuma bɛɛ,
[9] hali ni mɔgɔ kunntan sɔnkolon bɛ yaala fan bɛɛ fɛ, hali ni Hadamadenya bɛ tiɲɛn ka ta'a fɛ.