<Zaburuw 93

[1] Matigi bɛ masaya la, a masirilen don ni saramaya ye. Sebaaya ye Matigi ka fini ni a cɛ sirilan ye. Dugukolo bamalen don, a tɛ lamaga.

[2] I ka masasigilan sinsinnen don kabini waati kɔrɔw la. I ye Ala ye badaa kabini fɔlɔfɔlɔ.

[3] Matigi, kɔgɔjiw ye u mankan bɔ, kɔgɔjiw ye u kan bɔ. Ɔwɔ, kɔgɔji kuruw ye u mankanba bɔ.

[4] Matigi ye sebaayatigi ye yɔrɔ senuma kɔrɔtalen na. A fanga ka bon ka tɛmɛn ji caman mankan kan, ka tɛmɛn kɔgɔji kuruw barikama kan.

[5] I dafalen bɛ i ka layidu kow la, Matigi, i ka so masirilen bɛ ni senumaya ye badaa badaa.