[1] A' ye na, an ka dɔnkili da Matigi ye niɲagali ye, ka nisɔndiyakan bɔ an ka farakurun ni an kisibaa ye.
[2] An ka an jɔ a ɲɛ kɔrɔ ni tanuli dɔnkili ye, an ka dɔnkili da a ye k'a bonya,
[3] k'a masɔrɔ Matigi ye Masaba Ala de ye, Masaba min bɛ bato fɛn tɔw bɛɛ kun na.
[4] Dugukolo dingɛ dunbaw bɛ ale bolo, kulu jamanjanbaw kunw fana ye a ta ye.
[5] Kɔgɔji ye ale ta ye, sabu ale de ye o da, dugukolo fana ye a bolo baara nɔ ye.
[6] A' ye na an ka an biri a kɔrɔ k'a bato. Matigi min ye an da, an ka anɲɔngiri o kɔrɔ,
[7] k'a masɔrɔ ale de ye an ka Ala ye. An ye a ka mɔgɔw ye, a ye an kɔlɔsibaa ye, ale bolo bɛ sagakuluɲɛ minɛ. Ni aw ye a kan mɛn bi,
[8] aw kana aw dusukun gɛlɛya, i ko min kɛra don dɔ la Mɛriba ani Masa yɔrɔw la kungokolon kɔnɔ.
[9] Aw bɛnbaw ye ne kɔrɔbɔ yen, u ye ne sɛgɛsɛgɛ, hali ni u ye ne ka kɛwalew ye.
[10] Neɲiginna o mɔgɔw la san binaani kɔnɔ. Ne ko: «Nin ye siya dusukun lafililen de ye, u ma ne ka siraw dɔn.»
[11] O de kosɔn ne diminnen ye ne kali ko, u tɛna don ne ka lafiya la fewu.