[1] Matigi bɛ masaya la, mɔgɔw bɛ yɛrɛyɛrɛ. A ka masasigilan bɛ serubɛnw san fɛ, dugukolo bɛ yɛrɛyɛrɛ.
[2] Matigi ka bon Sion kɔnɔ, ɔwɔ, a bɛ mɔgɔw bɛɛ san fɛ.
[3] An ka a tɔgɔba tanu, siranfɛnba don. Ala ka senu.
[4] Tilennenya ko ka di masaba ye. E Ala de bɛ ko tilennenw sigi, e de bɛ Yakuba ka kiri kow ɲɛnabɔ ni tilennenya ye.
[5] Matigi an ka Ala ka bonya, a' ye aw biri a sen kɔrɔ. Ala ka senu.
[6] Musa ni Aron tun bɛ a ka sarakalasebaaw cɛma, Samuɛl tun bɛ a tɔgɔ welebaaw cɛma, u tun bɛ Matigi deli, a tun bɛ u jaabi.
[7] Matigi kumana u fɛ sankaba samasen na, u sɔnna a ka kalan ma, ani a ye sariya minw di u ma.
[8] Matigi an ka Ala, e yɛrɛ ye u jaabi. I kɛra u ka Ala ye min bɛ yafa u ma, nka i ye u kolo u ka fililiw kosɔn.
[9] Matigi, an ka Ala ka tanu. A' ye aw biri a ka kulu senumaɲɛ kɔrɔ. Ɔwɔ, Matigi, an ka Ala ka senu.