[1] Dɔnkili dalaw kuntigi ka dɔnkili. Dawuda ka Zaburu.
[2] Ala, ni ne bɛ nwunan, i ka ne kan lamɛn. Ne bɛ siran ne jugu min ɲɛ, i ka ne kisi o ma.
[3] I ka ne kisi mɔgɔ juguw ka jɛ sirilenw ani tilenbaliya kɛbaaw jamaba ma.
[4] U bɛ u nɛnw da diya i ko npan, u ka kumaw bɛ i ko biɲɛ baga kunama.
[5] U bɛ u dogo ka mɔgɔ jalakibali bon ni olu ye. U b'a bon joona, u tɛ siran.
[6] U bɛɲɔgɔn ja gɛlɛya u ka kɛwale juguw la, u ka kumaw bɛɛ ye jan dali ye. U b'a fɔ ko: «Jɔnɲɛ bɛ u la?»
[7] U tɛ foyi miiri ko jugu dama kɔ. U b'a fɔ ko: «An labɛnnen filɛ an dogo yɔrɔw la.» Ɔwɔ, miirili dogolen minw bɛ Hadamaden dusukun na, olu ka dun kosɛbɛ.
[8] Nka Ala na u bon ni biɲɛw ye, a na u jogin yɔrɔ nin kelen.
[9] A na u minɛ u yɛrɛw dala kuma fɛ, minw na u ye, olu bɛɛ na u kun kɔmi u kama.
[10] Mɔgɔ bɛɛ ja na tigɛ, u na Ala ka kɛwalew lakali. A ye min kɛ, u na o faamu.
[11] Mɔgɔ tilennen na ɲagali Matigi la ka i kalifa a ma. Minw dusukun tilennen don, olu bɛɛ na ɲagali.