[1] Aw ka Matigi tanu. Ne dusu ka Matigi tanu.
[2] Ne na Matigi tanu ka ne ɲɛnama to, ne na barika da ne ka Ala ye ne si tilew bɛɛ la.
[3] Aw kana aw jigi da faamaw kan, Hadamaden si tɛ se ka kisili kɛ.
[4] A ninakili bɛ ban, a bɛ kɔsegin buguri la. A ka miirili kow bɛ ban o don yɛrɛ la.
[5] Mɔgɔ min ye Yakuba ka Ala kɛ a sinsin yɔrɔ ye, ka i jigi da Matigi a ka Ala kan, o ye dubaden ye.
[6] Ala ye sankolo ni dugukolo da, ani kɔgɔji ni a kɔnɔ fɛnw bɛɛ. Ale bɛ to kantigi ye badaa.
[7] A bɛ jo di mɔgɔ tɔɔrɔlenw ma, ka dumuni di kɔngɔtɔw ma. Matigi bɛ jɔnw hɔrɔnya.
[8] Matigi bɛ fiyentɔw ɲɛw yɛlɛ. Matigi bɛ mɔgɔ kurulenw latilen. Mɔgɔ tilennenw ko ka di Matigi ye.
[9] Matigi bɛ siginfɛw mara, ka i janto falatɔ ni muso cɛ salen na, nka a bɛ mɔgɔ juguw ka siraw tiɲɛn.
[10] Matigi bɛ to masaya la badaa. Sion, i ka Ala bɛ to badaa. Aw ka Matigi tanu.