[1] Dɔnkili dalaw kuntigi ka dɔnkili. Korɛ denkɛw ka dɔnkili kan misɛn na.
[2] Ala ye an dogo yɔrɔ ni an barika ye, an dɛmɛbaa don an ka tɔɔrɔw bɛɛ la.
[3] O de kosɔn an tɛna siran foyiɲɛ, hali ni dugukolo yɛlɛmana ka kuluw jigin ji dunbaw kɔnɔ,
[4] hali ni jikuruw bɛ wuli ka kanga ka wuli ka kuluw yɛrɛyɛrɛ. Sela.
[5] Baji dɔ bɛ yen, a bolo faraw bɛ Ala ka dugu nisɔndiya, Kɔrɔtalenba ka yɔrɔ senuma kɔnɔ.
[6] Ala bɛ a cɛmancɛ la, foyi tɛna a lamaga. Ala na a dɛmɛ kɛnɛbɔda fɛ.
[7] Siyaw bɛ wɔyɔ, masayaw bɛ yɛrɛyɛrɛ, Ala ye a kan bɔ tuma min na, dugukolo yeelela i ko tulu.
[8] Kɛlɛbolow Matigi bɛ an fɛ. Yakuba ka Ala ye an dogo yɔrɔ ye. Sela.
[9] A' ye na Matigi ka kabakow ni a ka tiɲɛnni kobaw filɛ dugukolo kan.
[10] A bɛ kɛlɛ ban fo ka taa se dugukolo dan na, ka bɔnnikɛ kala ni tama kari, ka kɛlɛkɛ wotorow jeni ni tasuma ye.
[11] A ko: «Aw ka sabali k'a dɔn ko ne ye Ala ye. Ne bɛ siyaw kun na, ne bɛ dugukolo kun na.»
[12] Kɛlɛbolow Matigi bɛ an fɛ. Yakuba ka Ala ye an dogo yɔrɔ ye.