<Zaburuw 113

[1] Aw ka barika da Matigi ye. Matigi ka baaradenw bɛɛ ka a tanu. A' ye Matigi tɔgɔ tanu.

[2] Matigi tɔgɔ ka tanu, kabini sisan fo badaa.

[3] Matigi tɔgɔ ka tanu kabini tilebɔ fan fɛ fo ka taa se tilebi fan fɛ.

[4] Matigi bɛ siyaw bɛɛ san fɛ, a nɔɔrɔ sera fo sankolo san fɛ.

[5] Jɔn bɛ i ko Matigi, an ka Ala? Ale sigilen bɛ yɔrɔ kɔrɔtalenw san fɛ.

[6] A bɛ a ɲɛ majigin ka sankolo ni dugukolo filɛ.

[7] A bɛ mɔgɔ majiginnen labɔ buguri la, ka faantan sama ka bɔ sununkun na,

[8] ka u sigi mɔgɔbaw ani u yɛrɛw siya la mɔgɔbaw cɛma.

[9] A bɛ so di muso kɔna ma, ka o kɛ denba nisɔndiyalen ye a denw cɛma. Aw ka Matigi tanu.