[1] Dɔnkili dalaw kuntigi ka dɔnkili min dara ni filew ye. Dawuda ka Zaburu.
[2] Matigi, i tulo majɔ ne kan na ka ne nwunankan lamɛn.
[3] Ne ka Masakɛ ni ne ka Ala, i ka i tulo majɔ ne ka delili la katuguni ne bɛ e de deli.
[4] Matigi, i ka ne kan lamɛn sɔgɔma da fɛ. Ne bɛ e deli sɔgɔma da fɛ ka i makɔnɔ.
[5] K'a masɔrɔ juguya man di e Ala ye. Mɔgɔ jugu tɛ se ka sigi i fɛ yen.
[6] Kuncɛbaaw tɛ se ka jɔ i ɲɛ kɔrɔ. Tilenbaliyakɛlaw si ko man di i ye fewu.
[7] I na nkalontigɛlaw halaki, Matigi ɲiginna mɔgɔ fagalaw ni nanbarakɛlaw la.
[8] Ne kɔni, ne na don i ka so kɔnɔ i ka makariba barika la. Ne na siran i ɲɛ ka ne biri i batosoba senuma kɔnɔ.
[9] Matigi, i ka neɲɛ minɛ i ka sira tilennenw fɛ, ne juguw kosɔn. I ka i ka sira labɛn neɲɛ.
[10] K'a masɔrɔ tiɲɛ tɛ u da la, u dusukun tɛ miiri foyi la tiɲɛnni kɔ. U ngɔnɔ ye kaburu dayɛlɛlen ye, u nɛnkun falen bɛ kuma nugulen na.
[11] Ala, i ka u jalaki, u ka ko latigɛlenw ka bi u yɛrɛw kan. I ka u gɛn ka bɔ i ɲɛ kɔrɔ u ka fililiw kosɔn, k'a masɔrɔ u murutira i ma.
[12] Nka minw y'u kalifa i la, olu bɛɛ ka ɲagali. U ka nisɔndiyakan bɔ tuma bɛɛ, katuguni i birilen bɛ u kan. Mɔgɔ minw bɛɛ bɛ i kanu, olu ni i ka ɲagalikanba bɔɲɔgɔn fɛ.
[13] Matigi, e de bɛ duba mɔgɔ tilennen ye. I na i kanubaaw lamini niɲumaya ye i ko nɛgɛ bɛnnan.