[1] Aw ka barika da Matigi ye, k'a masɔrɔ a ka ɲi, k'a masɔrɔ a ka makari bɛ to badaa.
[2] Aw ka barika da bato fɛnw bɛɛ kun na Ala ye, k'a masɔrɔ a ka makari bɛ to badaa.
[3] Aw ka barika da matigiw ka Matigi ye, k'a masɔrɔ a ka makari bɛ to badaa.
[4] Ale kelenpe bɛ kabakow kɛ, k'a masɔrɔ a ka makari bɛ to badaa.
[5] Ale ye sankolow da ni hakilitigiya ye, k'a masɔrɔ a ka makari bɛ to badaa.
[6] Ale ye gwele fɛnsɛ jiw kun na, k'a masɔrɔ a ka makari bɛ to badaa.
[7] Ale ye kɛnɛbɔlanbaw dila, k'a masɔrɔ a ka makari bɛ to badaa.
[8] A ye tile dila, ko a ka sigi fɛn bɛɛ kun na tile fɛ, k'a masɔrɔ a ka makari bɛ to badaa,
[9] ani kalo ni dolow, ko u ka sigi fɛn bɛɛ kun na su fɛ, k'a masɔrɔ a ka makari bɛ to badaa.
[10] Ale ye Misira den fɔlɔw faga, k'a masɔrɔ a ka makari bɛ to badaa,
[11] ka Israɛl bɔ u cɛma, k'a masɔrɔ a ka makari bɛ to badaa,
[12] ni bolo barikama bolo mɔɔnɔbɔlen ye, k'a masɔrɔ a ka makari bɛ to badaa.
[13] Ale ye Kɔgɔji Bilen cɛ tila fila ye, k'a masɔrɔ a ka makari bɛ to badaa,
[14] k'a to Israɛl ka tɛmɛn a cɛma, k'a masɔrɔ a ka makari bɛ to badaa,
[15] nka a ye Faraon ni a ka kɛlɛbolo fili Kɔgɔji Bilen na, k'a masɔrɔ a ka makari bɛ to badaa.
[16] Ale ye mɔgɔw ɲɛ minɛ kungokolon kɔnɔ, k'a masɔrɔ a ka makari bɛ to badaa.
[17] Ale ye masakɛbaw halaki, k'a masɔrɔ a ka makari bɛ to badaa,
[18] ka masakɛ barikamaw faga, k'a masɔrɔ a ka makari bɛ to badaa.
[19] Amɔr siya ka masakɛ Sihon, k'a masɔrɔ a ka makari bɛ to badaa,
[20] ani Basan masakɛ Og, k'a masɔrɔ a ka makari bɛ to badaa,
[21] ka u ka jamana kɛ ciyɛn ye, k'a masɔrɔ a ka makari bɛ to badaa,
[22] a ka jɔn Israɛl ciyɛn, k'a masɔrɔ a ka makari bɛ to badaa.
[23] Ale ye a hakili to an majiginnenw na, k'a masɔrɔ a ka makari bɛ to badaa,
[24] ka an tila an la ɲinibaaw la, k'a masɔrɔ a ka makari bɛ to badaa.
[25] Ale de bɛ dumuni di farisogo bɛɛ ma, k'a masɔrɔ a ka makari bɛ to badaa.
[26] A' ye barika da sankolow ka Ala ye, k'a masɔrɔ a ka makari bɛ to badaa.